நாள் செய்வதை நல்லோர் கூட செய்ய மாட்டார்கள்- என்ற பழமொழி உள்ளது. அந்தளவிற்கு ஒரு நாள் பல்வேறு மாற்றத்தைக் கொண்டு வருவதாக இருக்கிறது. நம் முன்னோர்கள் ஒவ்வொரு நாளிலும் ஒரு குறிப்பிட்ட நேரத்தை நல்ல நேரம் என குறிப்பிட்டுள்ளனர். எந்த ஒரு சுப வேலைகளை ஆரம்பிப்பதற்கும் இந்த சுப நல்ல நேரத்தை தேர்ந்தெடுத்துச் செய்வது வழக்கம்.
நல்ல நேரம், கெளரி நல்ல நேரம் என்றால் என்ன?
நல்ல நேரம் என்பதென்ன?
ஒவ்வொரு நாளும் ஒரு குறிப்பிட்ட நேரத்தில் சுப கிரகங்களின் பார்வை பூமிக்கு அதிகமாக கிடைக்கும். அந்த நேரத்தை தான் கணக்கிட்டு முன்னோர்கள் நல்ல நேரமாக குறிப்பிட்டுள்ளனர். இந்த நல்ல நேரங்கள் காலை, மாலை என இருவேளைகளிலும் வரும். நித நேரத்தில் அசுபத்தை தரக்கூடிய தீய கிரகங்களின் பார்வை குறைவாக இருக்கும்.
கெளரி நல்ல நேரம் :
கெளரி பஞ்சாங்கம் என்பது ஆதி காலத்தில் இருந்தே கடைப்பிடிக்கக்கூடிய முறை. அதாவது கிருத யுகத்திலிருந்து பின்பற்றப்படுவதாக நம்பப்படுகிறது. பாற்கடலைக் கடையும் நிகழ்விற்கு முன்பே கெளரி பஞ்சாங்க இருக்கிறது.
கெளரி நல்ல நேரம் என்பது ஒரு நாளை 16 முகூர்த்தங்களாகப் பிரிக்கப்படுகிறது. அதில் பகலில் 8 முகூர்த்தமும், இரவில் 8 முகூர்த்தங்களும் அடங்கும். ஒரு முகூர்த்தம் என்பது 1.30 மணி நேரமாகும்.
எட்டு முகூர்த்தங்கள் : உத்தி, அமிர்தம், ரோகம், லாபம், தனம், சுகம், விஷம், சோரம் என எட்டு வகையான முகூர்த்தங்கள் குறிப்பிடப்படுகின்றன.
சுப முகூர்த்தங்கள் : அமிர்தம், லாபம், தனம், சுகம், உத்தி ஆகிய முகூர்த்தங்கள் வரக்கூடிய நேரங்களில் சுபகாரியங்களைச் செய்யலாம்.
தமிழ சட்டமன்ற தேர்தலில் வெற்றி யாருக்கு? - கிரக நிலை யாருக்கு சாதகம் ஜோதிடர்கள் கருத்து
ஆனால் அதிலும் சில கவனிக்க வேண்டிய, தவிர்க்க வேண்டியவற்றை கணக்கில் கொள்ள வேண்டு.
அதாவது கெளரி நல்ல நேரம் என போடப்பட்டிருக்கும் நேரத்தில் நாட்காட்டியில் எமகண்டம், ராகு காலம், குளிகை காலம் என போடப்பட்டிருந்தால் அந்த நேரத்தைக் கண்டிப்பாகத் தவிர்ப்பது நல்லது.
ராகு காலம், எமகண்டம் எப்படி வந்தது?
பாற்கடலைக் கடைந்து அமிர்தம் எடுக்கப்பட்டது. அதை தேவர்களுக்கு மட்டும் கொடுக்கும் திருமாலின் அவதாரமான மோகினியின் திட்டத்தை அறிந்து கொண்ட ராகு எனும் அரக்கன் தேவர்களைப் போல வேடமிட்டு திருட்டுத்தனமாக அமிர்தத்தை பருகினார். இதனால் கோபமடைந்த திருமால் தன் சுதர்சன சக்கரத்தால் ராகுவின் தலையை கொய்தார். அமிர்தம் பருகிய ராகுவின் தலை உடல் இரண்டாகத் துண்டானது. தற்போது தலை ராகுவாகவும், உடல் கேதுவாகவும் குறிப்பிடப்பட்டு வருகிறது. இவர்கள் தவம் செய்து கிரக பதவியை அடைந்தனர்.
கும்ப ராசிக்கு பெயர்ச்சி ஆகும் புதன் பகவான் மார்ச் 11: எந்த ராசிக்கெல்லாம் அதிர்ஷ்டம் கதவைத் தட்டப்போகிறது?
ராகு கேது எனும் புதிய கிரகங்கள்
ராகு கேது எனும் புதிய கிரகங்கள் இணைந்ததால், அதற்கு முன்பிருந்தே கடைப்பிடிக்கப்பட்டு வந்த கெளரி பஞ்சாங்க முறையில் குழப்பம் வந்தது.
ராகு, கேதுவை தவிர மற்ற 7 கிரகங்களுக்கு ஏற்கனவே ஒவ்வொரு நாள் ஒதுக்கப்பட்ட நிலையில், ராகு, கேதுவிற்கு நாள் ஒதுக்க முடியாமல் போனது.
இறுதியாக சிவபெருமானிடம் இந்த விவகாரத்திற்குத் தீர்வு தரும் வகையில், ஒவ்வொரு நாளிலும் ஒரு குறிப்பிட்ட நேரத்தை இராகு, கேது கிரகங்களுக்கு தர உத்தரவிட்டார். அந்த நேரத்தில் ராகு, கேது வலிமையுடன் இருப்பார்கள்.
இதன் காரணமாக ஒவ்வொரு ஒவ்வொரு நாளிலும் ஒரு குறிப்பிட்ட நேரத்தில் இராகு கிரகம் வலிமையாக இருக்கும் நேரத்தை ராகு காலம் என்றும், கேது வலிமையாக இருக்கும் நேரத்தை எமகண்டம் எனவும் குறிப்பிடப்படுகிறது.
எந்த ஹோரையில் என்ன செய்ய வேண்டும்? - இதை தெரிந்தால் ஒவ்வொரு நாளும் வெற்றி தான்..
எந்த நேரம் சிறந்தது :
கெளரி பஞ்சாங்கத்தில் நல்ல நேரம் என குறிப்பிடப்பட்டிருந்தாலும், அதே நேரத்தில் ராகு காலம், எமகண்டம், குளிகை நேரங்கள் வந்தால் அந்த நேரத்தை சுப காரியங்களைத் தவிர்ப்பது அவசியம்.
எளிதாக சொல்ல வேண்டுமானால் நாள் காட்டியில் குறிப்பிடப்படும் நல்ல நேரத்தை மட்டும் கணக்கில் கொள்வது நல்லது.
Also Read: சனிப்பெயர்ச்சி அஷ்டமத்து சனி, கண்டக சனி, அர்த்தாஷ்டமச் சனி என்றால் என்ன?- சனி பெயர்ச்சி பரிகாரங்கள்
கெளரி நல்ல நேரங்கள்:
கெளரி நல்ல நேரங்கள்:
ஞாயிறு - காலை 10.30 மணி முதல் 11.30 மணி வரை
மாலை 1.30 மணி முதல் 2.30 மணி வரை
திங்கள் - காலை 9.30 மணி முதல் 10.30 மணி வரை
மாலை 7.30 மணி முதல் 8.30 மணி வரை
செவ்வாய் - காலை 1.30 மணி முதல் 2.30 மணி வரை
மாலை 7.30 மணி முதல் 8.30 மணி வரை
புதன் - காலை 10.30 மணி முதல் 11.30 மணி வரை
மாலை 6.30 மணி முதல் 7.30 மணி வரை
நவகிரகங்கள் ஏற்படுத்தும் நோய்களும் எளிய பரிகாரங்களும்
வியாழன் - மாலை 6.30 மணி முதல் 7.30 மணி வரை
வெள்ளி - காலை 1.30 மணி முதல் 2.30 மணி வரை
மாலை 6.30 மணி முதல் 7.30 மணி வரை
சனி - காலை 10.30 மணி முதல் 11.30 மணி வரை
இரவு 9.30 மணி முதல் 10.30 மணி வரை
நல்ல நேரம், ராகு காலம், எமகண்ட நேரங்கள்
ஞாயிறு
நல்ல நேரம் - காலை 7.30 மணி முதல் 8.30 மணி வரை
மாலை 1.30 மணி முதல் 2.30 மணி வரை
ராகு காலம் - மாலை 4.30 மணி முதல் 6 மணி வரை
எமகண்டம் - நண்பகல் 12.00 மணி முதல் நண்பகல் 1மணி வரை
திங்கள்
நல்ல நேரம் - காலை 6.30 மணி முதல் 7.30 மணி வரை
மாலை 3.00 மணி முதல் 4.00 மணி வரை
ராகு காலம் - காலை 7.30 மணி முதல் 9 மணி வரை
எமகண்டம் - காலை 10.30 மணி முதல் நண்பகல் 12 வரை
செவ்வாய்
நல்ல நேரம் - காலை 10.30 மணி முதல் 11.30 மணி வரை
மாலை 4.30 மணி முதல் 5.30 மணி வரை
ராகு காலம் - மாலை 3.00 மணி முதல் 4.30 மணி வரை
எமகண்டம் - காலை 9.00 மணி முதல் காலை 10.30 வரை
Also Read: இன்று உங்களுக்கு சந்திராஷ்டமமா? பால் குடிக்க மறக்காதீங்க..!
புதன்
நல்ல நேரம் - காலை 9.00 மணி முதல் 10.30 மணி வரை
மாலை 5.00 மணி முதல் 6.00 மணி வரை
ராகு காலம் - காலை 12.00 மணி முதல் 1.30 மணி வரை
எமகண்டம் - காலை 7.30 மணி முதல் காலை 9.00 வரை
வியாழன்
நல்ல நேரம் - நண்பகல் 12.00 மணி முதல் 1.30 மணி வரை
ராகு காலம் - பகல் 1.30 மணி முதல் 3.00 மணி வரை
எமகண்டம் - மாலை 6.00 மணி முதல் காலை 7.30 வரை
வெள்ளி
நல்ல நேரம் - காலை 9.00 மணி முதல் 10.00 மணி வரை
மாலை 4.30 மணி முதல் 5.30 மணி வரை
ராகு காலம் - பகல் 1.30 மணி முதல் 3.00 மணி வரை
எமகண்டம் - மாலை 6.00 மணி முதல் காலை 7.30 வரை
சனி
நல்ல நேரம் - காலை 7.30 மணி முதல் 8.30 மணி வரை
மாலை 5.00 மணி முதல் 6.00 மணி வரை
ராகு காலம் - காலை 9.00 மணி முதல் 10.30 மணி வரை
எமகண்டம் - காலை 6.00 மணி முதல் காலை 7.30 வரை
Also Read: ஜோதிடம் அறிவோம்: ஜாதக கட்டமும், ஒவ்வொரு வீட்டுக்கான பலன்கள் என்ன தெரியுமா?
